DAVAO CITY – Gi-andam na ang kaso batok sa ex-army nga nadakpan sa kapulisan atol sa gipahigayon nga drug buy bust operation sa parking lot sa usa ka Mall sa Toril ning dakbayan sa Davao.
Naila ang mga dinakpan nga sila si Elmer Cabag ug ang ka-live in niini nga si Daisy Borja diin nakuha sa ilang posisyon ang lima ka sachet sa ginadili nga druga.
Nasayran nga na-preso na kaniadto si Cabag sa Talomo PNP tungod sa gihapon sa pagkalambigit sa illegal drugs ug nakulong sab kini tungod sa paghupot ug granada apan nakagawas sa bilangguan human nga nakapiyansa.
Subay sa monitoring sa otoridad, wala matud pa mi-undang sa iyang binuhatan ang suspek hinungdan nga gilusad ang operasyon alang sa pagsikop niini.
Gikanayong tuig 2014 pa nag-AWOL sa iyang serbisyo ang suspek. Pabilin karon nga balhug sa presohan sa Toril ang mag-live in.
