DAVAO CITY – Doble nga seguridad ang ipatuman sa kapulisan dinhi sa dakbayan atol sa mismo sa kasaulogan sa ika-80th nga araw ng dabaw ugmang adlawa.
Matud pa kang Davao City Police Office (DCPO) spokesperson Catherine dela Rey nga nakapahigayon na sila ug tigom kagahapong adlawa tali sa lokal nga kagamhanan aron nga han-ayon ang mamahimong seguridad.
Mokabat sumala pa sa 2,000 ka mga personahe sa otoridad ang ipakatag human ang joint security plan sa DCPO ug sa Task Force Davao, Force multipliers ug K9-Units.
Kaabag sa mga nahisgutan ang CTTMO nga maoy magpatuman sa temporaryo nga pagpanira sa mga kadalanan sa dakbayan diin ipahigayon ang mga aktibidad.
Sugod sumala pa sa kadlawon ugmang adlawa, moabag na ang kapulisan sa mga personahe sa City Transport and Traffic Management Office (CTTMO).
Subli sab nga nagpahimangno ang kapulisan sa publiko kalabot sa mga gidili atol mismo sa selebrasyon sama na lamang sa pagsuot ug sunglasses, pagdala ug mga bottled waters ug cans ingon man ang pagsuot og kalo ug pagdala og backpack.
