Military operation dili pa i-undang sa tropa sa kagamhanan

DAVAO CITY – Walay pay plano ang tropa sa kagamhanan nga i-undang ang ilang opensiba batok rebeldeng New People’s Army (NPA) human ang subling pagbalik sa hinabing pangkalinaw.

Hinuon abli sumala pa ang militar sa bisan unsa man nga inisyatibo aron lamang maangkon ang malungtaron nga kalinaw ilabi na dinhi sa Mindanao.

Matud pa kang Major Ezra Balagtey ang tigpamaba sa easternmindanao, wala pa silay nadawat nga direktiba gikan sa ilang mga labaw ingon man sa OPPAP nga ihunong ang ilang operasyon ilabi na karon nga nagpadayon sumala pa sa pagpangatake ang mga rebelde diin pinakaulahi nga insidente mao ang pagsunog sa usa ka bus sa Sarangani.