DAVAO CITY – Mihangyo karon ang mga pamilya sa mga sundalo nga gibihag karon sa mga New People’s Army ngadto kang Pangulong Rodrigo Duterte nga tabangan sila nga mabuhian ang mga nahisgutan.
Naglaom ang mga ginikanan ni Private First Class Erwin Salan nga unta mabuhian na kini sa hinanali nga panahon. Gikanayong mibiyahe paingon dinhi sa dakbayan sa Davao si Editha Salan uban ang iyang bana nga si Edgar ug ilang kinamanghuran nga anak aron mangayo ug tabang sa peace advocates.
Nasayran nga si Pfc. Salan nga ilalom sa 30th Infantry Battalion una ng gibihag sa mga rebelde kaniadtong Enero 29 sa Lumondo Falls, Budlingin, Alegria, Surigao del Norte.
Nasayran nga ikaduhang anak sa magti-ayon si Pfc Salan ug maoy breadwinner sa ilang pamilya.
Susama sab ang hangyo sa 22 anyos nga si Jesame Garay nga upat ka bulan nga buntis sa una nila nga anak ni Pfc Samuel Garay nga bihag sab karon sa mga NPA.
Nasayran kang Jesame nga walao ka semana pa lamang siya nga buntis dihang mibiya ang iyang bana. Ulahi sumala pa niya nga nakauban si PFC Garay kaniadtong birthday niini sa milabay nga Enero 11.
Gibihag ang nahisgutan kauban ang usa ka Sargeant Solaiman Calocop kaniadtong Pebrero 2 samtang nagsubay sa Bantangan paingon sa ilang battalion headquarters sa Makilala , North Cotabato.
Nanawagan si Jesame nga unta mabuhian na sab ang iyang bana sa hinanali nga panahon.
Matud pa sa nahisgutan nga sukad gibihag ang iyang bana, wala na matud pa siya’y tarung nga tulog ug mibati na sab siya ug kahadlok alang sa kaluwasan sa ilang anak.
