DAVAO CITY – Gipahibalo sa Davao City Police Office (DCPO) nga anaa sa 31 gikan sa kapin 100 ka mga barangay ning siyudad ang gideklara na karon nga drug free.
Una ng gibutyag ni Police Senior Inspector Catherine dela Rey ang tigpamaba sa Davao City Police Office (DCPO), nga ideklara ang usa ka Barangay nga drug free kung walay natalang mga drug pusher ug users, walay illegal nga droga o marijuana ug kung adunay gipatuman ang usa ka Barangay nga mga programa aron nga makalikay sa susama nga bisyo.
Gikanayon sab sa opisyal nga bisan wala na karon sa ilang poder ang mga drug buy bust operations, padayon sumala pa ang Philippine Drug enforcement agency (Pdea) sa pagpatuman sa war on drugs.
Wala sab sumala pa gi-undang ang pagpangdawat sa mga Barangay ug mga drug surrenderees.
Kahinumduman nga una na sab nga gibutyag ni Pangulong Rodrigo Duterte nga sukad gipa-undang ang oplan tokhang sa kapulisan, mibalik sumala pa sa 20 porsyento ang kaso sa illegal nga droga.
Samtang sa pikas nga bahin gikanayon sab ni Police Chief inspector Andrea dela Cerna ang tigpamaba sa Police Regional Office (PRO) 11, nga andam sila nga modawat sa higayon nga ibalik sa PNP ang kampanya batok ginadili nga droga ug dungan nga ipadayon ang internal cleansing sa ilang han-ay.
Nagtuo ang nahisgutan nga epekto ang susama nga pamaagi bisan nga lisud ang mamahimong proseso.
