DAVAO CITY – Gikatakda nga ipagula sa kagamhanang lokal ang unang batch sa identification cards (IDs) alang sa mga public utility vehicle drivers sa mosunod nga bulan.
Kini human ang reklamo sa usa ka estudyante sa taxi driver nga gikanayong nalambigit sa spray modus.
Matud pa kang Atty. Lawrence Bantiding, assistant city administrator for operations, kabahin ang maong lakang sa Traffic Code diin ang mga PUVs sama sa taxicabs kinahanglan nga magbutang ug ID cards sa driverssa ilang gimaneho nga unit.
Samtang gikatakda sab sa City Transport and Traffic Management Office (CTMMO) nga ipatawag ang mga drivers sa taxis, jeepneys, for-hire vans, ug uban pang public utility vehicles nga nagubay sa mga kadalanan sa siyudad alang sa lain na sab nga seminar.
Gikanayong ang retrainings, mandato ilalom sa Traffic Code diin kinahanglan nga ipahigayon kini matag tuig aron nga ipahinumdom sa mga drivers ang ilang mga responsibilidad diin kalakip niini ang pag-display sa ilang IDs.
Kalakip karon sa updated nga ID ang information sa driver ug back to back ang pagka-printa niini.
Ang maong ID adunay gidak-on nga katunga sa standard nga papel.
