DAVAO CITY – Gipahibalo ni Gov. Jayvee Tyron Uy nga pipila sa mga rebel returnees ang nakadawat na sa ilang tabang pinansiyal ug nakasugod na sa ilang bag-ong kinabuhi.
Gitumbok sa opisyal ang pagpatuman sa Comprehensive Local Integration Program (CLIP) sa Compostela Valley diin 35 ka mga kanhi rebelde ang natagaan nila karung ug hinabang.
Pinaagi sumala pa sa provincial governor inabagan ni Brig. Gen. Macairog S. Alberto, ug DILG Provincial Director Noel Duarte gitunok nila ang tseke nga kantidad sa P15,000.00 matag usa o kinatibuk-ang P504,000.00 alang sa mga kanhi rebelde nga mitahan dala ang tag-as nga klase sa armas kaniadtong Pebrero 10, 2017.
Nanawagan na lamang si Gov. Uy, Regional Peace and Order Council Chairperson, ngadto sa mga rebelde nga mas maayong mobalik na lamang sa sabakan sa balaud gumikan kay andam sumala pa nga tabangan ang mga nahisgutan sa gobyerno pinaagi sa ipatuman nga mga programa. Naglaom na lamang ang opisyal nga mas daghanang rebel returnees ilabi na sa Davao Region ang matabangan alang sa economic developments diin mamahimong mahatagan ug trabaho ang mga nahisgutan sa umaabot nga panahon.
