DAVAO CITY – Lakip ang usa sa mga legal Counsel sa mga Police Davao nga una ng gipatawag sa Senado alang sa imbestigayon sa gikanayong Extra Judicial Killings sa siyudad ang nakurat human ang pagbaliktad ni retired SPO3 Arthur Lascañas.
Matud pa kang Atty. Racky Malaki, nakurat siya sa nahimong lakang sa kanhi Police officer ilabi na nga nakapanumpa kini sa iyang mga gipangbutyag sa senado atol sa gipahigayon nga imbestigasyon.
Una ng nasayran nga kaniadtong bulan pa lamang sa Enero wala na igkita sa ilang pinuy-anan si Lascañas kauban ang iyang pamilya ingon man ang ilang sakyanan.
Samtang una na sab nga gipasabot ni Konsehal ug Atty. Jay Melchor Quitain Jr., kung nganong mamahimo nga pasakahan ug kasong perjury si Lascanas.
Matud pa sa opisyal, nakaduso na sa iyang affidavit ang Police officer ayha pa man kini mitestigo sa Senado diin kamatuoran lamang ang ipangbutyag niini sa pagdungog.
Samtang nagtuo sab si Konsehal Marissa Salvador Abella nga posibleng adunay lain nga rason kung nganong nagbag-o ang huna-huna ni Lascanas ilabi na nga anaa sumala pa sa kiliran niini ang usa sa mga kritiko ni Pangulong Rodrigo Duterte nga si Sen. Antonio Trillanes.
