DAVAO CITY – Target sa Davao City Tourism Operations Office (CTOO) ang kapin 150,000 ka mga tourist arrivals sa nagsingabot nga 80th Araw ng Dabaw kung itandi sa milabay nga tuig nga anaa sa 147,000.
Segun ni CTOO official Gene Rose Tecson nga sugdan ang tinuig nga kasaulogan sa siyudad sa Marso 1 uban ang Duwa Dabaw, usa ka month-long sports activities.
Sundan sab kini sa usa ka misa pasalamat nga gipahigayon sa San Pedro Cathedral dayon sundan kini sa official opening sa duruha ka semana nga selebrasyon sa Rizal Par Kalakip sa aktibidad ang month-long solo exhibit sa Dabawenya visual artist nga si Elenita Butch Dumlao nga gi-ablihan sa publiko sugod kagahapong adlawa sa Museo Dabawenyo ug matapos kini hangtud sa Marso 23.
Ang Datu Bago Awards ug Mutya ng Dabaw ipahigayon sa Marso 12 ug Marso 15.
Karun pa lang, gi-awhag na ni Tecson ang mga Dabawenyos nga imbitahan ang ilang pamilya ug higala nga mobisita dinhi sa dakbayan ilabi na sa kasaulogan sa ika-80th nga Araw ng Dabaw.
