DAVAO CITY – Bisan kung wala’y mining company sa rehiyon nga nahilakip sa listahan ni DENR Secretary Gina Lopez nga paserhan o kaha isuspende ang operation apan duna laman gihapoy usa ka minahan nga wala tugti nga mag-operate human nga nakita nga dunay kalapasan human gipahigayon ang pag-audit sa DENR sa milabay nga tuig.
Sumala pa kang Atty. Wilfredo Moncano, Regional Director sa MGB Eleven Oktubre niadtong 2016 ang Epec ug ang Australia-Asia diin wala’y nakita nga kalapasan Epec apan dunay natala nga violation sa Australia-Asia mining company, labi na sa hisgotanan sa environmental safety concerns, hinongdan nga gisuspende ang environmental compliance certificate niini sukad niadtong Oktubre ug dili wagtangon hangtud nga dili kini wagtangon sa DENR.
Nasayran nga dunay laing siyam ka mga mining company nga gihatagan sab ug show cause order, diin lima niini ang sa Comval ug upat sa Davao Oriental gumikan kay nahimutang kini doul sa watershed area.
Pito ka adlaw ang gihatag nga lugway sa mga kompanya ug kung dili makapakita ug mga clearance nga layo ug dili maka-apekto sa watershed ang ilang operasyon malagmit kini nga paserhan.
Nasayran nga sa tibuok rehiyon unse dunay baynte dos ka mga mining company, lakip na niini ang non-metal o sand and gravel.
