DAVAO CITY – Gihikay na ang kasong kalapasan sa Republic Act 9287 o illegal gambling batok ngadto sa usa ka babaye nga nadakpan nga nagapataya ug last two.
Kini samtang gipakusgan ang kampanya batok sa illegal nga sugal pinaagi sa One Time Bigtime Anti-Illegal Gambling Operation sa kapolisan.
Naila ang dinakpan nga usa ka Monena Misiliones Poe, 64 anyos, wala’y trabaho, residente sa Zone 4, Mahayag, ning dakbayan sa Davao.
Gidakop ang nahisgutan nga babaye human nga na-aktohan nga nagpapatad ug last 2 mga alas 7:20 ang takna sa kagabhi-on sa Mahayag, Buhangin, ning dakbayan sa Davao.
Nasakmit sa posisyon sa dinakpan ang mga pusta sa sugal nga gilakipan sa undercover nga sakop sa kapolisan, lakip na ang sling bag nga na-undan sa mga koteho, resibo sa last 2, ug kwarta nga nagkantidad ug P105 ka pesos ug ball pen ug calculator ug uban pa nga mga gambling paraphernalia sa sugal nga last 2.
Balhug na karon sa bilanggo-an sa Buhangin PNP.
