-- ADVERTISEMENT --
DAVAO CITY – Mas pahugtan karon sa gimugnang Anti-illegal gambling task force ang ilang tahas nga pangdakpon kadtong nalambigit sa nagkadaiyang sugal.
Kahinumduman nga nagpakita na sa ilang kaandam ang mga sakop sa Davao City Police Office (DCPO) alang sa ilang all-out war batok sugal.
Matud pa kang DCPO spokesperson Senior Inspector Catherine dela Rey nga kalakip sa ilang pangdakpon kadtong mga nagadula ug mahjjong, hantak, baraha, sabong-sabong, pronton ug video karera.
Salig si Dela Rey nga pinaagi sa maong lakang sa otoridad, makunhuran nila ang ihap sa mga tawo nga nalambigit sa illegal gambling.
Padayon sab nga imonitor sa kapulisan ang mga usher ug financers sa Last Two ingon man sa mga bag-ong modus sa mga nahisgutan.
-- ADVERTISEMENT --
