DAVAO CITY – Nagpabilin pa gihapon sa mga evacuation centers ang mga residente nga naapektohan sa monsoon wave ig hanging amihan sa Malita Davao Occidental.
Matud pa kang Norberto Jaso Jr. ang team leader sa Rescue operation sa Municipal Disaster Risk Reduction ang Management Office (MDRRMC) sa Malita, wala pa gihapon nakabalik sa ilang mga panimalay ang pipila ka mga residente gumikan kay pabilin sumala pa nga taas ang balud sa baybayon nga gidunganan pa sa walay undang nga pag-ulan sukad kagahapong adlawa.
Sa kasamtangan anaa sa tulo ka mga evacuation centers ang mga apektado residente diin sagad kanila nangadaut ang pinuy-anan human nga gihapak sa mga dagkong balud.
Gitataw sab ni Jaso nga nagpahigayon na sila karon ug pag-evaluate sa mga coastal areas nga naapektohan sa monsoon wave ug walay undang usab ang gihatag nga hinabang gikan sa lokal nga panggamhanan sa lalawigan.
