DAVAO CITY – Mokabat ngadto sa 135 ka mga delegado ang mitambong sa Asean Finance Central Bank Deputies Working Group meeting sa Marco Polo Hotel kagahapong adlawa, Pebrero 10, ug gilauman nga lain pang usa ka gatus ka mga partisipante ang motambong sa 13th meeting sa senior level committee on Finance Integration nga ipahigayon sa SMX Convention Center sa SM Lanang, ning dakbayan karong adlawa. Ang Task Group Davao (TSG) padayon nga nagamonitor sa tanan nga mga aktibidad sulod dinhi sa dakbayan sa Davao pinaagi sa Multi-Agency Coordinating Center nga nahimutang sa Green Heights Convention Center sa Buhangin, Diversion Road, Davao City.
Sumala pa niya dunay igo nga pwersa aron nga huptan ang seguridad sa mga bisita.
Duna sa’y mga standby forces ug quick reaction teams kung ugaling dunay moulbo nga kagubot. Sumala pa kang Dela Cerna nagalusad sila ug matag adlaw nga monitoring sa Committee on Safety, Peace and Order ug Emergency Preparedness ug Response force aron sa pagseguro sa kaayohan, kaluwasan ug seguiridad sa Asean delegates ug sa mga lungsuranon sa Davao.
Nangandam sab ang TGD sa lain p0-ang duha ka mga Asean activities sunod semana, lakip na ang Asean Labor Ministers Retreat (SOM and Ministers Retreat) karong Pebrero 19 ug 20 ug Asean Committee on Migrant Workers Meeting (ACMW) karong Pebrero 21 hangtud 22 diin mokabat ngadto sa 200 ka mga partisipante ug gikatakda nga mobisita.
