DAVAO CITY – Naangkon na matud pa karon sa dakbayan sa Davao ang 96.75 percent immunization coverage sa unang semana sa ikaduhang round sa citywide polio mass vaccination.
Kahinumduman nga gipangunahan sa lokal nga panggamhanan pinaagi sa pakig-alayon sa Department of Health (DOH), Davao City Health Office (CHO), and World Health Organization ang ikaduhang hugna sa Sabayang Patak Kontra Polio sa milabay nga Nobyembre 25 diin 186,864 ka mga indibidwal nga gilangkuban sa mga bata nga nag edad zero ngadto na sa 59 months old ang gihatagan og oral polio vaccine type 2 (OPV2).
Gikanayong Sa Disyembre 1 ning kasamtangang tuig, nakatala ang CHO og kinatibuk-ang 180,785 ka mga bata nga nahatagan og OPV2 vaccine.
Apan gitino ni CHO technical division chief Dr. Julinda Acosta nga nagpabilin pa gihapon kini nga partial count subay sa data gikan sa Paquibato ug Tugbok districts nga gisumite sa health office.
Aduna sumala pay posibilidad nga makab-ot ang kapin 97 percent sa higayon nga matigom na ang ihap sa mga nabakunahan.
Kahinumduman nga atol sa unang hugna sa immunization nga gipahigayon kaniadtong Oktubre 14 hangtud Oktubre 27, ang dakbayan sa Davao nakatala ug 99.48 percent immunization coverage o adunay kinatibuk-ang 185,901 ka mga bata nga nabakunahan.
