Patay ang usa ka 36-anyos nga lalaki human nga gipusil sa 80-anyos nga Lolo sa Prk.Liptong, Valencia, Negros Oriental. Subay sa report sa mga otoridad, nahitabo ang pagpamusil niadtong petsa Dos sa Abril sa kaadlawon diin ang lalaki anaa sa balay sa iyahang kanhi uyab.
Subay sa inisyal nga imbestigasyon sa kapulisan sumala pa nga naabtan na lamang nila ang biktima nga naligo sa kaugalingog dugo ug wala nay kinabuhi nga nagbuy-od sa pultahan sa kwarto sa suspek.
Dugang pa sa imbistigasyon nga misulod sumala pa ang biktima sa kwarto sa suspek nga sa pagtoo mao ang gitulugan sa kanhing uyab.Apan, nakamata sumala pa ang 80-anyos nga suspek ug iyahang gipusil tungod naalaan nga kawatan.
Gibutyag usab sa kabanay sa suspek nga bulag na ang ilang pag-umangkon og ang biktima ug una sumala pa kining higayon nga misulod sa ilahang balay. Apan sa bahin sa kabanay sa biktima, hustisya ang ilahang panawagan karong panahuna.
Wala pa usab mohatag og pamahayag ang gikaingon nga kanhing uyab sa biktima kabahin sa ilahang relasyon. Sa pagkakaron gikostudiya na ang edaran sa mga otoridad samtang gipasakahan na kini og kasong murder.
