Dili mo-ubos sa walo ka mga tawo ang gikatala nga patay human ang wala gilauman nga mga pag-ulan sa Eastern Japan nga miresulta sa grabe nga pagbaha, pagdahili sa yuta ug ang pagka-wala sa kuryente sa kapin 20 mil ka mga pinoy-anan sa Chiba Prefecture.
Sumala sa mga awtoridad, miabot na sa kapin 100 millimeters matag oras ang mibundak nga ulan sa Chiba sukad niadtong Huwebes sa hapon—halos tulo ka pilo nga kasagarang gidaghanon sa ulan sa tibuok bulan sa Agosto ang mibundak sa maong lugar.
Gumikan sa lapad nga pagbaha, libuan ka mga pasahero ang na-stranded, lakip na ang mga biyahero sa Narita Airport.
Samtang, pipila usab ka mga train services ug nag-una nga mga highway ang gisuspende usab.
Kapin sa 100,000 ka mga kabalayan ang gimanduan nga mobakwit human miresulta ang kusog nga pag-ulan og mga landslide ug power outage.
Sumlaa sa Japan Meteorological Agency, nagsumikad ang grabe nga pag-ulan sa init ug humid air flowing nga nakighi-usa sa bugnaw nga hangin sa atmosphere.
Nagpahimangno usab ang mga awtoridad nga nagpabilin ang kakuyaw sa pagbaha ug landslide sa lugar, bisan og gipakanaug na ang emergency alert gikan sa Level 4.
