Gikatuhuang 64 ka tawo ang patay homan gikatala ang usa ka boat accident sa sapa sa Zamfara State, northwest Nigeria.
Matod pa sa mga local officials, usa ka barkong de kahoy nga adunay kargang 70 ka mga mag-uuma ang nalunod.
Matod pa mupadulong unta ang mga mag-uuma sa ilahang farmlands sa lungsod sa Gummi.
Homan nasayran ang aksidente, gihimo dayon ang search and rescue operations sa mga awtoridad sa nahisgutang lugar.
Gipahayag ni Aminu Nuhu Falae, local administrator nga mao ang nanguna sa operasyon, gikanayon sa nahisgutan nga kini na ang ikaduhang insidente nga nahitabo sa probinsya sa Gummi.
Gipaneguro usab niini nga padayon ang pagpangita sa mga mamahimong survivors sa panghitabo.
Samtang gibana-banaang mosobra sa 900 ka mga mag-uuma ang naglaum sa nahisgutang sapa alang sa paspas nga pag-transport sa ilahang mga raw-materials sa giugmad nga yuta.
Kung kahinumduman nga ang Zamfara State ang giila nga adunay daghanang criminal gangs nga nag-operate ug gustong makabaton ug kontrol sa mga natural resources sa nahisgutang lugar.
Ang nahisgutang lugar usab ang kanunay nakasinati ug dakong pagbaha gumikan sa makusog nga mga pag-ulan.
