DAVAO CITY- Nagpositibo ang upat ka mga piniriso sa drug test atol sa gipahigayong surpise inspection sa Davao City Jail niadtong Sabado, Oktukbre 8 ning kasamtangang tuig.
Nasayran nga niadtong nahibaluan ni Davao City Jail Warden Jail Superintendent Peter Bongngat Jr. nga adunay dala nga pakete sa shabu ang usa ka bag-ong piniriso, gilayong nagpahigayon og greyhound operation ang mga personahe sa Bureau of Jail Management and Penology Davao Region.
Kahinumdumang wala nasakpan atol sa imbestigasyon ang nahisgutang bag-ong piniriso nga aduna kiniy dala nga pakete sa shabu gumikan gitulon niini ang maong illegal nga droga.
Apan adunay nakumpiska nga 12 ka mga pakete sa shabu. Subay niini gipailaum sa drug test ang 44 ka mga piniriso nga anaa sa selda kung asa nakuha ang mga illegal nga droga ug upat niini ang nagpositibo.
Gani pasakahan og dugang kaso sa BJMP ang mga nagpositibo.
VIA|| Kaye Marie Gulle
