3 ka tawo, patay sa airstrike sa Russia sa Ukraine

Patay ang tulo ka tawo, lakip ang usa ka bata, human sa airstrike sa Russia sa Ukraine, duol sa kapital nga Kyiv. Nahitabo ang maong pag-atake pipila lamang ka adlaw human sa laing pag-atake nga mikalas sa kinabuhi sa 21 ka tawo.

Nakasinati usab og kadaot ang pipila ka mga building, lakip na ang mga sakyanan nga giparking duol sa mga lugar nga naigo sa pag-atake.

Anaa usab sa Belgrade, Serbia si Ukrainian President Volodymyr Zelensky atol sa nahitabong pag-atake. Gitakdang makigpulong si Zelensky kang Serbian President Aleksandar Vučić aron hisgutan ang ekonomiya, mga isyu sa seguridad ug ang European Union.