DAVAO CITY – Duha ka barangay sa dakbayan sa Dabaw ang nakatala na usab karon og mga kaso sa COVID-19.
Subay sa pinaka-ulahing barangay classification nga gipagawas sa lokal nga panggamhanan sa Davao gikan July 25 hangtud July 30, 2022 , duha ka mga barangay ang anaa sa high risk nga gilangkuban sa mga Barangay 3-A ug Barangay 13-A.
Samtang muabot usab sa unse ka mga barangay ang gipa-ialom karon sa moderate risk classification nga gilangkuban sa mga barangays 4-A, 11-B, 14-B, 16-B, 18-B, 30-C, 33-D, A. Angliongto, Sr., Gov. Paciano Bangoy, Mabuhay, ug Mudiang.
Ang tanang nahabiling 169 ka mga barangay sa syudad ang anaa usab ilalom sa Low risk classification.
Labot niini, padayong nanawagan ang lokal nga panggamhanan sa publiko nga likayan ang pag-adto sa mga barangay nga mitala og mga kaso sa COVID 19.
Kinahanglan usab nga pabiling magsul-ob og face mask ug labaw sa tanan, magpabakuna ug magpa-booster shots na aron pakigbatukan ang maong sakit.
Via || LJ Florendo
