DAVAO CITY – Magpadayon ang pagpangita karung adlawa sa duruha ka mga bata nga gikanayong gi-anud sa tubig baha kagahapon sa Sudlon, Brgy. Central Mati Davao Oriental.
Sa imbestigasyon sa otoridad nagdula lamang daplin sa sapa ang mga biktima nga sila si Daniel Reboldad, 9 anyos ug usa ka Josepher, 8 anyos susama nga residente sa Purok Millenium Riverside Sudlon sakop sa nahisgutan nga lalawigan.
Una niini, nagtinabangay ang mga personahe sa Mati CDRRMO, BDRRMO, Mati PNP, PNP Maritime Group ug Philippine Coast Guard sa pagsubay sa mga kasapaan paingon na sa kadagatan sa lugar.
Sumala sa mga kaparyentehan sa mga bata, gikan matud pa nagsimba ang mga duruha ug nakit-an pa ang mga nahisgutan nga nagdula sa may sapa kagahapon sa udto dihang kalit nga mibundak ang kusog nga ulan nga maoy hinungdan sa pagsaka sa tubig sa sapa.
Naabtan pa ug hangtud kagabie ang pagpangita sa mga nahisgutan apan wala pa gihapon kini igkita hinungdan nga ipadayon na lamang nila kini karung adlawa.
