Gibakwit ang mga 1,200 ka tawo gikan sa usa ka campsite human misilaob ang duha ka managlahing wildfire duol sa usa ka baybayon sa France.
Ang ubang sunog kontrolado na sa mga awtoridad, apan adunay usa pa nga padayon nga mikaylap tungod sa dili maayong kahimtang sa panahon.
Naglisod ang mga bombero ug emergency responders sa pagsulod sa pipila ka lugar, hinungdan nga mas paspas ang pagkaylap sa kalayo sa mga lasang.
Gibalhin ngadto sa evacuation shelter ang mga residente ug turista nga naapektuhan sa sunog isip lakang sa pagpanalipod sa ilang kaluwasan.
Padayon nga giatubang sa France ug ubang bahin sa Europe ang dagkong wildfire tungod sa grabeng kainit ug epekto sa nag-usab-usab nga klima.
Matud ni French Environment Minister Monique Barbut, gibanabana nga moabot sa 15 billion euro o kapin P1 trillion ang posibleng kadaot nga dala sa mga heatwave sa nasud. | VIA BOMBO EROS PAJOTA
