DAVAO CITY – Nakita ni Davao City’s 1st District Councilor Tek Ocampo ang ginasugyot nga waste-to-energy facility isip tubag sa mga problemang pang-kinaiyahan diri sa dakbayan.
Labi nang nagataas karun ang ihap sa mga nakolektang basura diri sa syudad gikan sa 600 ngadto sa 800 metric tons matag adlaw, dili na kinahanglan nga mag-dugang pa ug landfills aron kabutangan ug daghan pang basura.
Gisiguro sab sa sa konsehal nga luwas kini sa kinaiyahan ug panglawas sa tawo.
Dili man sab kini muhulip isip sa bisan unsang pamaagi sa waste management sa dakbayan sama na lamang sa segregation, apan mudungag pa kini sa mga ginasugyot nga istratehiya.
Kasamtangan nang ginatuki sa lokal nga panggamhanan ang pagahimoong WTE facility nga usa ka partnership project sa Kitakyushu nga ilang sister city sa Japan.
Aduna kini kapasidad nga mugama ug kapin 10 megawatts sa kuryente ug mukita ug P1.5 billion matag tuig.
Naaprubahan na sab sa Davao City Council ang ordinansa nga gibuhat sa konsehal nga mangayo ug dugang pondo ngadto kang President Ferdinand “Bongbong” Marcos Jr. aron suportahan ang maong proyekto bisan pa man dili uyon niini ang pipila ka mga environmental groups.
VIA ||Bombo LJ Florendo
