DAVAO CITY- Balhog sa Tugbok PNP ang usa ka welder human nga nadakpan kini atol sa gilusad nga drug buybust operation pasado alas sais ang takna kagabii.
Subay sa report sa kapulisan gipahigayon ang drug buybust operation sa Prk. 6B Brgy. Bago- Oshiro, Tugbok Dist. ning syudad human nga adunay nadawat nga impormasyon gikan sa Reliable Confidential Informant (RCI) kabahin sa pagpayuhot ug iligal nga droga nga miresulta kini sa pagkasikop kang alias JAP-JAP, 27 -anyos ulitawo, ug residente sa Lapu-Lapu St., Teacher Village, Toril, ning dakbayan.
Nakumpiska sa otoridad ang mga putos sa mga pinauga nga dahon sa Marijuana nga adunay Standard Drug Price nga mokabat sa Php 25,800.
Nakumpiska sab sa mga otoridad ang usa ka libo nga kwarta gikan sa supek nga gituohan nga halin sa suspek sa pagpamaligya sa mga pinauga nga dahon sa Marijuana.
Sa pagkakaron ang dinakpan ang gikustudiya na sa Tugbok PNP samtang giandam na ang kasong pagsupak sa RA 9165.
