Nagatuo si Vice President Sara Duterte nga anaa na kini matud pa sa “point of no return” na ang relasyon nila sa kanhing kaalyado nga si Pangulong Bongbong Marcos Jr. Kini mao ang tubag ni Duterte sa dihang gipangutana kini og magkauliay pa ba sila sa Pangulo.
Gitawag sa ni Duterte nga usa matud pa ka incompetence ang mga panghunahuna sa administrasyon karun, gumikan na usab sa gipangluwat nga pamahayag niini niadtong mga nakalabayng adlaw.
Samtang, gipaklaro ni VP Sara ang iyahang nahimong pamahayag batok kang Pangulong Bongbong Marcos, First Lady Liza Marcos, ug si House Speaker Martin Romualdez nga abogado matud pa kini, rason og nganong kabalo kini og unsa ang legal ug unsa usab ang dili.
Dili matud pa actionable ang magpahinumdum lamang.
Wala matud pay active threat og dili kini mamatay, gitataw niini nga wala sumala pay mali og dili kini ilegal.
Samtang, gipakita sa Philippine National Police ang usa ka video nga mikatag online sa usa matud pa ka paghako ug pagbayad sa mga tagasuporta sa mga Duterte nga nagtapok-tapok sa EDSA Shrine niadtong adlawong Martes.
Makita sa duha ka mga video nga gisaysay sa usa ka indibidwal nga gipugos lamang sumala pa sila sa ilahang mga barangay, ug usa matud pa ka log book diin adunay mga pangalan sa mga nakadat matud pa og kwarta.
