-- ADVERTISEMENT --
Wala kunoy hulga sa kinabuhi si Vice President Sara Duterte.
Kini ang giluwatang pamahayag ni AFP spokesperson Col. Francel Margareth Padilla, homan kini mi-uyon sa nahimong pahayag sa Philippine National Police (PNP) nga wala silay na-monitor nga hulga sa seguridad sa Bise Presidente subay usab sa ilahang assessment.
Matod pa niini, sa pagkakaron anaa sa 400 AFP personnel ang nadestino sa Vice Presidential Security and Protection Group nga anaa ubos sa jurisdiction sa Presidential Security Commission (PSC).
Kung kahinumduman, unang gikuhaan sa PNP ug 75 ka mga pulis ang security personnel nga naka-assign kang Vice President Sara Duterte gumikan kay gikinahanglan kuno kining i-deploy sa National Capital Region Police Office.
