DAVAO CITY – Daw dili pa gihapon makatuo si Zoren Matulin Daño nga mahilakip kini sa usa sa mga top notchers sa tibuok nasud sa bag-uhay lamang nga resulta sa Licensure Examination for Teachers.
Sumala pa sa nahisgutan nga migradwar sa Gov. Generoso College of Arts Sciences and Technology kon GGCAST nga hilabihan ang iyang kalipay nga gibati ug wala gayud niini damha nga maapil siya sa top notchers.
Si Zoren Danyo ang nakakuha ug 91 percent ug nagbutang kaniya sa 10th place.
Dugang pa niya nga wala sab siya magdahom nga masundan niini ang 7th placer sa miaging tuig sa ilahang tunghaan.
Dugang pa sa bag-ong magtutudlo sa sekondarya nga “dili siya usa ka achiever nga estudyante.
Gani, kutob lang siya sa With Honor ug wala siyay nadawat nga bisan unsang awards sukad pa sa iyang pagtungha sa elementarya hangtod na nga migradwar siya sa kolehiyo.
Tambag niini sa tanan, nga dili mamahimong sukdanan sa pagtungha kung asa ka nga eskwelahan gikan migradwar aron nga makalampos.
Bugtong gisaligan niini ang pag-ampo ug pagpaningkamot lamang ug wala kini nagpadala sa pressure sa kinabuh atol sa pagtuon, ug “chill lang gyud” sumala pa niini.
Dugang pa sab sa nahisgutan nga dakong tabang usab sa iyang kalampusan ang pagtibangay sa iyahang mga kaubanan ilabi na sa panahon sa pag-review nga nagtinabangay nga wala sab sila mapakyas sa ilang pag-exam.
Samtang gibutyag usab niini nga sa pagkakaron human sa iyahang pagrelax, laraw niini nga magtudlo sa mga estudyante sa iyang Alma Mater nga padayon karon sa ilang pagtungha.
Congratulations!
via || Bombo DDB
