DAVAO CITY – Malaumon si Councilor Lorenzo Benjamin “Enzo” Villafuerte nga ang sugyot balaodnon nga anti-bullying ordinance maaprobahan sa dili pa magsugod ang full-blown face-to-face classes karong umaabot nga Nobyembre 2022.
Ang maong sugyot balaodnon naglungtad dili lamang sa tradisyonal nga kahimtang sa mga tulunghaan apan gipalapdan kini sa trabahoan ug bisan pa man sa cyberspace diini nagsugyot kini nga dili kini normal nga panghitabo.
Ang nahisgutang ordinansa nga nagtumong sa pagpalig-on sa kasamtangan nga nasudnong balaod aron sa pagprotektar sa mga kabatan-onan nga enrolled sa kindergarten, elementary, secondary schools ug learning centers nga nailhang Republic Act 10627 kun Anti-Bullying Act.
Ang ordinansa nagtumong sa pagsilot sa sala ug dili sa nakasala.
Subay niining balaod, wala gikinahanglan nga silutan ang mga bullies apan magpahigayon og counselling lakip na ang mga biktima, ug ginikanan tungod ang batasan magsugod sa matag panimalay.
via || Bombo Danica Baguio
