-- ADVERTISEMENT --
DAVAO CITY – Nakuryentehan ang usa ka installer og internet sa usa ka telco provider samtang kini anaa sa taas sa poste tungod adunay giplastar na linya karong adlawa lamang, Agosto 25 ning tuig kasamtangan sa Senangote 2, Magugpo East Tagum.
Subay sa inisyal na impormasyon, ang biktima giilang si Ren Ren Endal, project contractor. Aksidenteng nasangit ang ulo niini sa 69KV line sa NGCP samtang gipanubay niini ang linya.
Si Endal naka angkon og daghang paso sa lawas ug hinanaling gidala sa ospital og ginatambalan na sa pagkakaron. Ang insidente misresulta sa blackout apan hapsay na nahibalik ang kuryente.
