TAGUM CITY- Nakabsan ang upat ka mga indibidwal human sa nahitabong pagromentado sa usa ka Security Guard sulod sa usa ka Boarding House sa dakbayan sa Tagum, Davao Del Norte.
Subay sa report sa kapulisan, ang mga biktima ang naila nga sila Jessa Mae Tabag, 19-anyos, usa ka service crew sa GMall Tagum, Joan Rondan, 28, usa ka cashier sa GMall Tagum ug usa ka RJ Cahilog.
Samtang ang suspek nga gila nga si Nelson Narbasa,33-anyos nga residente sa Montevista, Davao de Oro ug nadestino sa Criss Inn.
Subay sa inisyal nga imbistigasyon sa kapulisan, pasado ala-una ang takna kaganihang kaadlawon, nahitabo ang krimen sa usa ka Boardinghouse Talisay Zara, Brgy.Magugpo East, Tagum City.
Sumala pa sa mga otoridad nga kalit lamang nga nag-romentado ang suspek ug gipangsulod ang kwarto sa mga biktima ug gipangdunggab nga maoy hinungdan sa ilahang kamatayon.
Samtang napatay usab sa mga otoridad ang suspek human nga mipakita kini ug pagsukol nga maoy hinungdan usab sa iyahan kamatayon.
Samtang ang usa ka lalaki nga silingan sa mga biktima nga si RJ ang napusilan sumala pa sa mirespondeng pulis human nga naalaan matud nga kini ang suspek tungod sa pagdala niini ug sundang nga misaka sa ibabaw nga bahin sa Boarding aron nga motabang.
Samtang sa bahin sa pamahayag sa kapulisan, miataki sumala pa kini sa mirespondeng pulis ug gipusil kini sa iyahang tiil ug nakabsan sa kinabuhi.
Sa crime scene narekober ang mga basyo sa bala sa 9mm nga pistola, sundang, ug kustsilyo nga gigamit sa suspek. Sa karon nagpadayon pa ang gihimong imbistigasyon sa kapulisan.
