Luwas nga nakabalik sa Kalibutan ang Artemis II human sa makasaysayanong splashdown sa kadagatan duol sa San Diego, California.
Anaa sa sulod sa Integrity Capsule ang tibuok crew human sa ilang moon mission.
Ang upat ka astronaut mao si Reid Wiseman, Victor Glover, Christina Koch, ug Jeremy Hansen, human sa siyam ka adlaw nga pagbiyahe palibot sa Buwan, nga nagtimaan sa bag-ong hugna sa programa sa NASA Artemis.
Gikan sa kusog nga 23,000 mph (37,000 km/h) sa ilang pagsulod sa atmospera, hinay-hinay kini nga mipaubos hangtod 20–30 km/h pinaagi sa multi-stage parachute system, sa wala pa mitugpa sa dagat.
Dayon misugod ang response sa U.S. Navy gikan sa USS John P. Murtha aron sugaton ang crew alang sa medical examination ug recovery operations.
Ang misyon nakab-ot ang tumong sa pagsulay sa mga sistema sa Orion spacecraft ug pag-andam sa sunod nga lakang padulong sa pagbalik sa tawo sa Buwan.
Sa kinatibuk-an, milapas sa 400,000 kilometros ang nalawig sa Artemis II, ug nakahatag pa og mga hulagway gikan sa lunar orbit, lakip ang talan-awon sa “Earthset.”
Ang malampusong pagbalik sa Artemis II simbolo sa bag-ong paglaum sa eksplorasyon sa kawanangan usa ka pamatuod nga andam na usab ang katawhan sa pagbalik sa Buwan.
