DAVAO CITY – Suspendido ang 4 ka studyante sa University of Mindanao kinsa nalambigit sa Hazing nga gikamatay sa usa ka 19 anyos ug gika injured sa 18 anyos.
Sa statement nga gipagawas sa maong unibersidad gipaklaro niini nga sa 14 ka suspek nga nalambigit sa krimen, duha ang graduated na sa Criminology program, anaa na usab sa 9 ang nadakpan samtang pabiling at large ang 3.
Sa siyam ka suspek nga anaa sa costudy, 4 niini ang enrolled gikan sa kursong Criminology, Management Accounting, Nursing ug Hospitality Management program.
Samtang ang laing 5 ka suspek dili studyante sa UM homan kini nga namalhin sa laing tulonghaan.
Sa pikas bahin gipailawom sa suspension ang 4 ka estudyante samtang nagpadayon ang disciplinary investigation.
Nakig alayon na usab ang UM sa ubang Unibersidad aron mapugngan ang susamang krimen.
Nasayran nga kadahapong adlawa nagpahigayon og Prayer Walk ug Santos nga Misa sulod sa University of Mindanao (UM) Matina campus ecumenical chapel.
Agig pahasubo sa pagkamatay sa usa ka 19-anyos na Criminology student nga si August Ceazar Saplot human sa nahitabong initiation rites atol sa hazing incident ilalom sa fraternity group sa may Upper Mandug, Davao City kaniadtong Sept. 18, 2022.
Dala ang kandila ug banner nanawagan ang mga estudyante ug magtutudlo sa UM nga undangon na ang hazing, lakip napud ang pagkondena sa maong aktibidad.
via || Bombo Mel Valledor
