DAVAO CITY – Hingpit nang nahuman ang unom ka bulan nga community-based rehabilitation program sa 61 ka drug surrenderees sa Dakbayan sa Tagum, Davao del Norte.
Anaa ang nahisgutang programa ubos sa Seryosong Tagumenyo Ayaw Ng Droga Program kon STAND Program, usa ka inter-agency community-based rehabilitation program nga gimugna sa lokal nga panggamhanan sa Tagum isip tubag sa Anti-Illegal Drug Campaign ni President Rodrigo Roa Duterte.
Ang maong batch sa mga surrenderee ang ikawalo na nga nahuman sa ilang rehabilitation ubos sa nasangpit nga programa.
Nagpasalig usab ang City Government of Tagum nga sila hatagan og “after care program,” diin matunulan sila og libreng edukasyon, panginabuhian, o di kaha trabaho.
Nahimong kining lakang sa Tagum isip pagpaningkamot nga dili na mubalik sa kanhing bisyo nga iligal ug makamatay ang mga drug surrenderee ug aron na usab makasugod na sa ilang bag-ong kinabuhi luwas sa droga ang mga nahisgutan.
