DAVAO CITY – Sugdan na karong adlawa ang laing traning nga ipahigayon sa 500 ka mga gipang-hire aron nga mamahimong contact tracers. Sa kasamtangan, gipailalom na ang pipila ka mga contact tracers sa hugtanon nga pagmonitor sa ilang performance kini aron masiguro nga nasabtan sumala pa sa mga nahisgutan ang ilang trabaho ug kung paunsa nila kini huptan.
Kahinumduman nga nanginahanglan karon ang Department of the Interior and Local Government (DILG) ug daghanang contact tracers kini aron mapadali ang pagpangita sa mga tawo nga gikatahapan nga positibo sa Covid-19 o dili ba kaha adunay mga nakahimamat nga natakdan sa maong kagaw.
Sa kinatibuk-an, anaa na matud pa 700 ka mga contact tracers ang natala karon sa DILG diin ang uban niini ang gikatakda na nga ipakatag sa mga nagkadaiyang barangay sa siyudad.
Una ng gibutyag ni Julinda Acosta, Technical Division Chief sa CHO, nagapahigayon sila ug evaluation human ang training kini aron walay mamahimong problema sa higayon nga ipakatag na sila sa mga nagkadaiyang barangay sa siyudad. Samtang gitataw sab ni Vicky Sarcena, sa DILG-Davao nga positibo sila nga maangkon ang 1,000 contact nga gikinahanglan sa siyudad.
