DAVAO CITY – Gipasalig sa Davao City Transportation and Traffic Management Office (CTTMO) nga dili nila i-undang ang pagpanakop sa mga nakalapas sa anti-jaywalking bisan nga nakasinate ang dakbayan ug mga pag-ulan.
Matud pa kang CTTMO head Dionisio Abude, ipatuman pa gihapon sa ilang mga enforcers ang Anti-Jaywalking ordinance bisan nga ulan ug init.
Sa higayon nga dili sumala pa madala sa ilang mga sakop ang gi-isyu nga raincoat, kinahanglan pa gihapon nila nga ipatuman ang ordinansa bisan pa man nga mangabasa ug mainitan ang mga nahisgutan.
Subay sa record sa ahensiya, nakasikop sila ug kinatibuk-ang 19,000 jaywalkers.
Gawas sa anti-jaywalking law, nakatala sab ang CTTMO ug 31,000 violators diin kalakip na niini ang mga drivers.
Dugang ni Abude, kinatibuk-an nga 25,000 drivers ang nakabayad ug multa sa City Treasurer’s Office diin nagpasabot kini nga bugtong 6,000 ang wala nakasulbad sa ilang gi-atubang mga reklamo.
