Sa gipagawas niining Executive Order (E.O) No. 48, penetsahan ug August 12, 2020, gibutyag ni Mayor Inday Sara ang daghang mga reklamo nga nadawat sa City Environment and Natural Resources Office (CENRO) labot sa daghang mga illegal quarrying activities sa mga naghupot ug permit lakip na sa ubang mga tawo.
Dugang pa sa mayor ang kamahinungdanon nga pagtubag sa tanang mga issue ug kasiguruhan alang sa tukmang pagpatuman sa mga balaud sa pag-quarry ug sa uban pang susamang polisiya ug ordinansa sa syudad.
Ang nahisgutang task group ang gilangkluban sa head sa CENRO isip chairperson, head sa Mines and Geo-Sciences Bureau (MGB)-XI isip vice-chairperson, ug mga head/representatives sa City Engineer’s Office (CEO, City Planning and Development Office (CPDO)-Zoning Division, City Treasurer’s Office (CTO), Department of Environment and Natural Resources Office (DENR), Mindanao Association of Mining Engineers, Society of Filipino Foresters, Inc. (SFFI), ug Interfacing Development Interventions for Sustainability (Idis) isip mga miembro.
Gimanduan usab ang nahisgutang mga miembro nga mopahiogayon ug regular ocular inspections, mag-andam ug reports sa violations ug recommendations, monitor ug seguruhong tanang terms and conditions sa quarry permits ang na-comply ug mohimo ug periodic report ngadto sa mayor.
