DAVAO CITY – Padayon ang pahimangno sa Bureau of fire Protection ngadto sa publiko nga kinahanglan bantayan pag-ayo ang mga saksakanan ug wirings sa mga panimalay aron malikayan ang pag-ulbo sa sunog.
Kahinumduman nga gilamoy sa kalayo ang panimalay sa usa ka Grace Salupan, residente sa Gemini St. DDF Village Brgy. Mandug ning dakbayan sa Davao kagahapon sa buntag ug halos wala nay nasalbar nga mga butang.
Matud pa kang Grace namatikdan sa iyang anak ang pagsugod sa kalayo sa atop nga bahin hinungdan nga paspas sila nga migawas sa ilang panimalay aron nga luwason ang ilang kaugalingon.
Matud pa kang SFO1 Segundo Dumasig, electrical short circuit ang ilang nakitang hinungdan sa pag-ulbo sa sunog.
Wala pa sab gibutyag ang kinatibuk-ang kantidad sa natalang danyos human ang maong insidente.
