DAVAO CITY – Nakabsan sa kinabuhi ang usa ka suspetsado sa pagpanglugos, gumikan sa pagpangilog niini ug armas sa usa ka sakop sa kapulisan sa sulod mismo sa Toril Police Station alas-singko kagahapon sa hapon.
Giila ang napatay nga rape suspect nga si Edgar Rubio, hamtong ang panuigon ug residente sa nahisgutang lugar.
Gipagawas sa kapulisan ang suspek gikan sa bilanggo-an gumikan sa commitment order, ug sa dihang nakagawas na kini, kalit na lamang giilog ang armas sa usa ka police hinungdan nga nahitabo ang commotion sulod sa police station.
Apan nakaresponde ang laing sakop sa Toril police station hinungdan nga napusilan ang suspek sa dughan nga bahin ug gidali kini sa pagdala sa Davao Mediquest Hospital, apan gideklara kini sa attending physician nga dead on arrival.
