Silotan sa Singapore ang mga mogamit og artificial intelligence o AI sa paghimo og malaw-ay nga hulagway sa usa ka tawo nga walay pagtugot, ubos sa bag-ong balaod batok sa online sexual abuse.
Gipatuman karong Agosto 17, 2026 ang mga probisyon nga naglakip sa AI-generated intimate images bisan wala kini gihimo gikan sa existing photo o video.
Ubos sa balaod, mahimong makulong hangtod duha ka tuig, maka-multa, o pag mapamatud-ang naghimo sa maong materyal nga walay consent.
Mas bug-at ang silot kung menor de edad nga ubos sa 14 anyos ang biktima.
Mahimo na usab kasuhan sa Singapore ang mga suspek nga nag-groom og menor de edad sa laing nasod ug misunod niini ang sexual offense, ubos sa mga kondisyon sa balaod.
Kung ubos sa 14 anyos ang biktima, mahimong mokabat hangtod pito ka tuig ang pagka-priso sa mapamatud-ang sad-an.
Sumala sa Singapore Ministry of Home Affairs, tumong sa balaod nga mapalig-on ang pagpatuman batok sa online sexual abuse ug mapugngan ang paghimo ug pagpakaylap sa AI-generated sexual materials.
