Mitay-og ang magnitude 5.2 nga linog sa kadagatan duol sa Sarangani, Davao Occidental alas-7:01 karong gabhiona, Agosto 19, 2026.
Narekord ang epicenter mga 52 kilometros habagatan-kasadpan sa Balut Island sa Municipality of Sarangani, samtang 10 kilometros ang giladmon niini.
Dugang pa, narekord ang Instrumental Intensity III sa General Santos City, Malapatan ug Kiamba sa Sarangani Province, ug T’Boli sa South Cotabato.
Lakip sa adunay Instrumental Intensity II ang Sarangani sa Davao Occidental, Malungon, Maasim ug Maitum sa Sarangani, Tupi sa South Cotabato, ug Palimbang sa Sultan Kudarat.
Matud pa sa earthquake information, Instrumental Intensity I ang narekord sa Kidapawan City, Digos City, Sta. Maria sa Davao Occidental, Surallah ug Tampakan sa South Cotabato.
Sa pagkakaron, giklasipikar ang linog isip aftershock sa magnitude 7.8 Offshore Sarangani ug magnitude 6.5 Offshore Davao Occidental earthquakes niadtong Hunyo 2026.
Wala pay gilakip nga report bahin sa kadaot kon adunay naangol human sa maong paglinog sa mga lugar nga nakabati niini. | VIA BOMBO EROS PAJOTA
