-- ADVERTISEMENT --
DAVAO CITY – Gitugutan na nga makalatas ang mga nagkadaiyang gidak-on sa sakyanan sa San Rafael Bridge Maa Marphori road kini human nga nahulipan na sa ahensiya sa Department of Public Works and Highways (DPWH) ang mga gipangkawat nga bolt.
Kagahapong adlawa, gitaud na sa mga personahe sa ahensiya ang 26 ka mga nawala nga bolts nga gituohang gipangkawat sa mga residente nga nanimuyo duol lamang sa tulay.
Tungod niini subling nanawagan si DPWH spokesperson Dean Ortiz ngadto sa mga Barangay officials nga sakop ang tulay nga kinahanglan pahugtan pa nila ang pagbantay sa mga propedad nga iya sa gobyerno aron nga dili na subling mahitabo ang susama nga insidente sa umaabot nga panahon.
