-- ADVERTISEMENT --
Gitudlo ni kanhi Presidente Rodrigo Duterte ang British lawyer nga si Peter Haynes isip iyang legal counsel sa kasong crimes against humanity nga giatubang niini sa International Criminal Court o ICC batok kaniya.
Kini human gipagawas sa ICC ang usa ka handwritten nga dokumento nga nagpakita sa opisyal nga pagtudlo ni Duterte kang Haynes isip iyang abogado sa maong kaso.
Si Haynes usa ka beteranong international criminal lawyer ug kanhing presidente sa usa ka international legal organization. Matud pa, nahawiran na usab niini ang dagkong international cases lakip ang malampusong ICC appeal ni kanhi Jean-Pierre Bemba sa Democratic Republic of Congo.
