Gideklara sa World Health Organization (WHO) ang outbreak nga gidala sa Bundibugyo strain sa Ebola isip usa ka international health emergency, tungod kay wala pa kini bakuna o espesipikong tambal.
Nasayran nga anaa na sa kapin 80 na ka tawo ang namatay sa maong Ebola outbreak sa Democratic Republic of the Congo, samtang kapin 300 usab ang gituohang kaso sa sakit.
Sumala sa mga awtoridad, posibleng moabot hangtod 50 porsyento ang fatality rate niini, ug paspas usab kini mokaylap hangtod sa silingang nasod nga Uganda.
Lakip sa mga sintomas sa Ebola ang hilanat, pagsuka, pagdugo, ug pagkadaot sa mga organo (organ failure).
Samtang, gibutyag sa Doctors Without Borders (MSF) nga nakapaalarma ang sitwasyon kay kulang ang mga pasilidad ug lisod ang pagdala sa mga medical equipment sa mga apektadong lugar.
