DAVAO REGION- Nagpadayon ang pagtukod sa Samal Island-Davao City kon SIDC bridge bisan pa man adunay mga environmental groups ang mibabag niini.
Kahinumdumang sentimento sa mga environmental groups nga ire-allign ang maong proyekto aron maluwas ang ‘Paradise Reef’ nga ginakonsidera sa mga marine biologists nga mahinungdanon nga gene bank sa marine biodiversity.
Matud pa sa Project Director nga si Engr. Rodrigo Delos Reyes sa Department of Public Works and Highways kon DPWH – Unified Project Management Office-Bridges Management Cluster kon UPMO-BMC nga nagapadayon karong ang Chinese contractor sa pagtukod sa pundasyon sa SIDC bridge susama na lamang pagbutang og bored piles.
Dugang pa ni Engr. Delos Reyes nga nga gikan sa 74 bored lines nga kinahanglang mataud, 21 na niini ang nakompleto.
Ning kasamtangan anaa na sa 4.197% ang completion rate sa maong tulay samtang 94% na usab ang nakompleto alang sa detailed engineering design nga gitakdang matapos sa mosunod nga bulan.
Kahinumdumang ang Samal Island-Davao City kon SIDC bridge ang gi-award sa China Road and Bridge Corporation diin subsidiary kini sa state-owned nga China Communications Construction Company Limited.
Ang maong tulay nga Samal Island-Davao City ang nagkantidad og P23 billion diin sa maong kantidad, P19.3 billion niini ang giutang gikan sa gobyerno sa China.
via// DMA
