DAVAO CITY – Gipasalig karun sa mga personahe sa Eastern Mindanao Command (Eastmincom) nga andam ang ilang mga sakop ug anaa sila karun sa high-alert status batok sa mga posibleng kagubot nga paluyohan sa New People’s Army’s (NPA) ilabi na sa mga dapit nga kalakip sa mga gitutukan dungan sa May 9 elections.
Sumala pa kang Lt. Gen. Greg Almerol, Eastmincom commander, nga han-ay na ang security preparations ug contingency measures sa mga lugar nga giilang hotspots sa Caraga ug Davao regions.
Gitataw sab sa opisyal nga ang sunod-sunod nga pagtahan sa mga kumunistang miyembro sa NPA ingon man ang pagkabungkag sa pipila ka mga unit niini ang igo na arun nga dili makalusad ang mga nahisgutan ug atrocities.
Nagapahigayon sab sumala pa ang tropa ug security operations human ang sunod-sunod nga engkuwentro tali sa NPA sa Caraga ug Davao regions nga maoy hinungdan nga anaa sa unom ka mga rebelde ang na-neutralize.
Samtang pipila sumala pa sa mga sakop karon sa NPA ang nalambigit sa extortion sa mga kasikbit nga rehiyon hinungdan nga gibantayan sab kini sa mga sakop sa otoridad.
Kahinumduman nga hugtanon karon ang gihimong monitoring sa kapulisan sa mga lugar sa Davao region nga gipailalom sa election watchlist areas sanglit adunay mga lugar sa rehiyon nga ginabantayan gumikan sa init nga panag-atbang sa mga politiko ingon man presensiya sa mga armadong grupo.
