Gitugutan sa Sangguniang Panlungsod sa Davao City ang usa ka socialized housing initiative aron mapalapdan ang access sa abot-kayang puy-anan alang sa low-income families sa Davao City.
Sumala ni Atty. Diosdado Mahipus Jr., chair sa Committee on Socialized Housing, miagi ang proyekto sa technical ug planning evaluation aron masiguro ang kaangayan niini sa zoning ug infrastructure requirements.Ang maong proyekto, nga gi-propose sa pribadong developer, pagatukuron sa Barangay Riverside, Calinan District, ug gilauman nga makahatag og kapin 500 ka residential units.
Lakip sa pinaka-importante nga feature ang “zero equity” scheme diin walay initial downpayment ug ang binulan nga bayad gibanabana nga ₱4,000 hangtod ₱4,500. Gipasabot sa konseho nga kabahin kini sa padayon nga programa sa syudad sa pagpalapad sa socialized housing aron mas daghang residente ang makabaton og tarong ug abot-kayang puy-anan.
