Gibanatan ni Department of National Defense Secretary Gilberto Teodoro Jr. ang Chinese Communist Party human kini nagpagawas og mga pahayag ug video nga nag-akusar sa Pilipinas kalabot sa Ayungin Shoal sa West Philippine Sea.
Matod ni Teodoro, kinahanglang ipakita sa China ang ebidensya sa ilahang mga alegasyon ug dili lamang puro akusasyon o posibleng paglimbong ug pagpamakak.
Gibutyag pa sa kalihim nga ang tanang pahayag sa China walay lig-on nga basehan ug kulang sa pruweba nga magpakita sa ilahang mga giangkon nga insidente.
Sa laing bahin, gisaway usab niini ang mga pagpanghimakak sa China batok sa Balikatan Exercises karong tuig, nga padayon nga gisalmutan sa nagkadaiyang pwersa militar gikan sa mga kaalyado sama sa United States ug Japan.
Matod ni Teodoro, ang China mao ang “mahilig magdula sa kalayo” ug dili ang Pilipinas, ug iyang gihisgutan pa ang “ironic” nga ang mga fireworks nga kasagarang gigamit sa kalibutan naggikan sa tradisyon sa China mismo.
