Gikanayon sa Malacañang ang desisyon sa disallowance sa ₱73 milyon nga confidential funds sa Office of the Vice President alang sa tuig 2022, base sa Commission on Audit.
Sumala kang USec. Claire Castro, gipalig-on sa Commission on Audit ang findings nga dili igo ang dokumentasyon ug pagpatin-aw sa paggamit sa maong pondo, nga una nang giingong hapsay ug transparent.
Gipunting sa Malacañang nga importante ang paspas nga aksyon sa COA ug sa Anti-Money Laundering Council aron masiguro ang tulubagon sa tanang opisyal sa gobyerno nga mapamatud-an nga adunay kalapasan.Subay sa report, lakip sa gi-disallow nga pondo mao ang ₱69.787 milyon para sa rewards ug ₱3.5 milyon para sa pagpalit og mga kagamitan.
Gipahimangnoan usab ang OVP nga ibalik sa gobyerno ang maong kantidad sumala sa direktiba sa COA, samtang padayon ang monitoring sa mga ahensya sa gobyerno aron mapalig-on pa ang transparency ug accountability sa paggamit sa pondo sa publiko.
