DAVAO CITY – Gisugdan na ang halapad nga road rehabilitation efforts sa nagkadaiyang barangay sa probinsya sa Davao Oriental.
Ang maong operasyon ang gipatuman ilalom sa Oplan Kalsada, usa sa anti-poverty programs sa provincial government aron suportahan ang sektor sa agriculture ug turismo sa lugar.
Subay niini, gipang-deploy na sab ang team sa mga heavy and light equipment operators uban ang ilang bulldozers, graders, rollers, ug uban pang heavy machinery ngadto sa mga barangay nga adunay mga dalan nga wala na sa maayong kahimtang. Lakip sa dalan nga gipailalom sa rehabilitation ang Tambon – Don Salvador- Sta. Cruz – Cangusan Provincial Road sa Barangay Don Salvador Lopez sa syudad sa Mati diin ang gipang-deploy nga mga operators ang naningkamot nga makumpleto ang pag-repair ug pag-rehabilitate sa maong dalan ayha paman muabot ang panahon sa ting-ulan.
Ang maong aktibidad ang kabahin sa programa sa provincial government sa Davao Oriental aron makunhuran ang kalisud sa mga mag-uuma ug mga residente sa pagbyahe ingon man sa paghatud sa ilang mga produkto sa kabukiran ngadto sa merkado.
